ಮುಸ್ಸಂಜೆಯಾಗುತ್ತಿರುವಂತೆ
ಮನದೊಳಗಣ ಉತ್ಸಾಹ
ನೂರ್ಮಡಿಯಾಗಿ
ಉಲ್ಲಾಸ ಒಳಗೆಲ್ಲ ಪಸರಿಸಿ
ಮುಗಿಲ ತಾಕುವಾಸೆಯಾಗಿ
ಜಿಗಿಯುತಿರುವೆನು..
ಕೈಗೆ ಸಿಗದ ಮುಗಿಲ ಮೇಲೆ
ಬೇಸರವಿಲ್ಲ..
ಇಂದಲ್ಲ ನಾಳೆ, ಹೆಚ್ಚು
ಎತ್ತರಕೆ ಜಿಗಿದಾಗ
ಕೈತಾಕಿದಷ್ಟು ಮೋಡವ
ಬಾಚಿ ಮುಡಿಗೆ ಏರಿಸುವೆನು ನಾನು..
ರಾತ್ರಿಯಲಿ ಬಾನೊಡಲಲ್ಲಿ
ಸಹಸ್ರ ನಕ್ಷತ್ರಗಳು ಸೇರಿ
ಮಿನುಗುವಾಗ ನಿನ್ನ ಕಣ್ಣು ಕಂಡೀತೆಂದು
ಅರಸುತ್ತೇನೆ ನಾನು..
ನಿದ್ದೆಯಿಂದೆದ್ದು ಮೈ ಮುರಿದರೆ
ಸೂರ್ಯ ಕಣ್ ಮಿಟುಕಿಸಿ ನಗುತ್ತಾನೆ
ನಿನ್ನದೇ ನಗು ತೇಲಿ ಬಂದಂತಾಗಿ
ಮೆಲುನಗುತ್ತೇನೆ ...
ನನ್ನೆಲ್ಲ ಆಯಾಸ ಮೂಲೆಗುಂಪಾಗಿ
ನನ್ನೊಳಗಿನ ಚೈತನ್ಯ ನೂರ್ಮಡಿಯಾಗಲು
ನೀನು ಕಾರಣವೇ?
ನಿನ್ನೊಳಗಿನ ಪ್ರೀತಿ ಕಾರಣವೇ?
ಕೈಗೆ ಸಿಗದ ಮುಗಿಲ ಮೇಲೆ
ReplyDeleteಬೇಸರವಿಲ್ಲ..
ಇಂದಲ್ಲ ನಾಳೆ, ಹೆಚ್ಚು
ಎತ್ತರಕೆ ಜಿಗಿದಾಗ
ಕೈತಾಕಿದಷ್ಟು ಮೋಡವ
ಬಾಚಿ......
& &
ನೀನು ಕಾರಣವೇ?
ನಿನ್ನೊಳಗಿನ ಪ್ರೀತಿ ಕಾರಣವೇ?
ಅದ್ಭುತ ಕಲ್ಪನೆ...ಈ ಸಾಲುಗಳು ತು೦ಬಾ ಇಷ್ಟವಾದವು...ಬರಿತಾ ಇರಿ, ನಾವು ಓದ್ತಾ ಇರ್ತಿವಿ :-)
-ಮಲ್ಲಿಕಾರ್ಜುನ